Vom werck des andern tags1
Am[m] andern tag sprach got. Es werde das firmament in de[n] mittel d[er] wasser: vn[d] taile die wasser vo[n] wasseren vn[d] er hies das frimament de[n] himel.2
Got hat das firmament gescheibelt. beweglich. andere empfintliche di[n]g begreiffende gemacht. vn[d] auß zesammen geru[n]ne[n] wassern in gestalt des cristals befestigt. vn[d] dar inn das angeheft gestirne.
Nw wirt die spera des himels mit de[n] dar inn angehefften gestirne in zwaie[n] axen (der eine die mitternachtlich vn[d] die ander die mittaglich haißt (vo[m] auffgang in de[n] nidergang mit sölcher schnellikeit umbgeweltzt. das sye die werlt zerpreche wo die planeten mit ire[n] gege[n]lawff sie nit verhinderte[n]. vn[d] d[er] werckmeister d[er] werlt hat die natur des himels mit wassern gemessigt das sie mit d[er] hitz des obern feürs die undern eleme[n]t nit anzu[n]dete.
Etlich lerer nit allein auß den unsern sunder auch auß den hebreyschen vn[d] andern habe[n] geglawbt das uber die speras d[er] sibe[n] planeten. vn[d] uber die achte[n] spera[m]. die sie die unirrende[n] nenne[n]. vn[d] auch uber die newnten speram. die mit vernunft vn[d] nit mit entpfindung erraicht werde[n]. vn[d] die erst undter den beweglichen leiplichen dingen ist noch d[er] zehend unbeweglich bleibend vn[d] gerüig himel sey. in massen dem Isaac d[er] weise3 einer auß den bemelte[n] lerrern helt. das sölcher zehend himel von Ezechiele4 durch den zaphir in gleichnus eines throns bezaichent sey.
Also das die farb des zaphirs den glantz des lichts vnd die gleichnus des throns die unbeweglichkeit bedewtten solt.
Aber widerzekomen auff den moysen. der das wasser von wassern teilet so ist dreyerlay teylung d[er] leyplichen ding under de[m] mo[n]d.
Etlich sind ob d[er] mitteln gege[n]t des lufts. als d[er] oberst teil desselbe[n] elements. vn[d] das allerlewterst feüers. vn[d] daselbst lawtere vnuermischte vn[d] rechte element.
So sind ettliche vnder der mitteln fürscheinenden stat des lufts. als bey vns. da dan[n] kein lawters element ist. sunder alle element vo[n] faystikeit wege[n] des werltlichen leibs gemischt sind. dazwischen ist ein gegend des lufts auch das firmament genannt. dar inn regen. schne. plitzen. tornersleg. cometen vnd der gleichen erscheiynen. darümb gar recht vnderschaydet diss firmament. nit allain d[er] gelegenheit sunder auch der aygenschafft halben d[er] natur die obern eleme[n]t vo[n] den undern. als die wasser vo[n] de[n] wassern. darob sind die eleme[n]t pür vn[d] lawter. aber darunder in volkomner vermischu[n]g vo[n] eleme[n]tischer slechtigkeit obgesünderet. vn[d] er hat das firmament himel geheißen. dan[n] der bedeckt alle empfintliche vnd vnsichtpere ding.
Bergren, T. (2017). Plato’s "Myth of Er" and Ezekiel’s "Throne Vision": A Common Paradigm? Numen, 64(2/3), 153–82. http://www.jstor.org/stable/44505333
Berry, G. R. (1939). The Composition of the Book of Ezekiel. Journal of Biblical Literature, 58(2), 163–75. http://www.jstor.org/stable/3259859
Foresti, G. F. (1492). Supplementum Chronicarum. Novariensis: Bernardinus Rizus. https://books.google.com/books?id=ei9TruMbYCkC&printsec=frontcover
Idel, M. (1977). The Throne and the Seven-Branched Candlestick: Pico Della Mirandola’s Hebrew Source. Journal of the Warburg and Courtauld Institutes, 40, 290–92. http://www.jstor.org/stable/751003
Jiménez de Cisneros, F. (1517). Biblia Polyglotta Complutensis. Complutum: Arnaldo Guillén de Brocar. https://doi.org/10.3931/e-rara-46695
Silverman, S. M. (2006). Low Latitude Auroras Prior to 1200 c.e. And Ezekiel’s Vision. Advances in Space Research, 38(2), 200–8. https://doi.org/10.1016/j.asr.2005.03.158